15
Apr
Posted by Eric » 1 Comment »
Lucan, Bellum civile 1.24-32
- at nunc semirutis pendent quod moenia tectis
- urbibus Italiae, lapsisque ingentia muris
- saxa iacent, nulloque domus custode tenentur
- rarus et antiquis habitator in urbibus errat,
- horrida quod dumis multosque inarata per annos
- Hesperia est, desuntque manus poscentibus arvis,
- non tu, Pyrrhe ferox, nec tantis cladibus auctor
- Poenus erit: nulli penitus descendere ferro
- contigit; alta sedent civilis vulnera dextrae.